ამ დესერტის მომზადება მართლაც უმარტივესი საქმეა.
ეს ჯერ თქვენ არ გაგისინჯავთ! უბრალოდ წარმოიდგინეთ: თხელი ფხვიერი ძირი და ორი ძალიან გემრიელი და განსხვავებული ხაჭოს ფენა, ამ ყველაფერს აგვირგვინებს მინანქარი.
ხაჭოს ფირფიტები გამოდის უნაზესი, როგორც სუფლე.
ინგრედიენტები
- კარაქი 80გ
- ფქვილი 140გ
- შაქრის ფხვნილი 30-40გ
- არაჟანი 20% 50გ
- ლიმონი 0,5 ცალი
შიგთავსისთვის
- კვერცხი 4 ცალი
- ხაჭო 800გ
- ყაყაჩო 30გ
- ვანილი 10გ
- სახამებელი (კარტოფილის ან სიმინდის) 35გ
- შსაქარი 170გ
- ფორთოხალი 0,5 ცალი
მინანქრისთვის
- კარაქი 40გ
- შავი შოკოლადი 80გ
მომზადება
- მოვამზადოთ ინგრედიენტები ფხვიერი ფირფიტისთვის: გაცერით ფქვილი, გახეხეთ ლიმონის ქერქი, დაჭერით კარაქი.
- კარაქს დაუმატეთ ფქვილი, შაქრის ფხვნილი, ლიმონის ქერქი და კარგად მოურიეთ.
- დაუმატეთ არაჟანი და მოზილეთ ფხვიერი ცომი.
- გამოსაცხობი ფორმა ამოფინეთ ქაღალდით. მასში მოათავსეთ ცომი და დაჩხვლიტეთ ჩანგლით.
- გამოაცხვეთ 200 გრადუსზე 15 წუთი.
- მოვამზადოთ შიგთავსი: გამოწურეთ ხაჭო. უმჯობესია გამოიყენოთ ცხიმიანი ხაჭო. თუ თქვენ იყენებთ უცხიმოს, მაშინ შიგთავსს დაუმატეთ 50-70გ კარაქი.
- ხაჭოს დაუმატეთ შაქარი, ვანილი, დააბლენდერეთ.
- დაუმატეთ კვერცხი და განაგრძეთ თქვეფა – მასა უნდა გახდეს სრიალა, კრემისებური. ბოლოს დაუმატეთ სახამებელი.
- ცალკე გახეხეთ ფორთოხლის ქერქი.
- ხაჭოს მასა გაყავით ორ ნაწილად. პირველ ნაწილს დაუმატეთ 30გ მშრალი ყაყაჩო.
- მეორე ნაწილს დაუმატეთ ფორთოხლის ქერქი. ყაყაჩოს ნაცვლად შეგიძლიათ გამოიყენოთ დაქუცმაცებული ნიგოზი ან გამომშრალი ხილი.
- ფხვიერ ფირფიტას მოასხით ყაყაჩოიანი შიგთავსი.
- ზემოდან კი ფრთხილად გადაანაწილეთ ფორთოხლის ქერქიანი შიგთავსი.
- გამოაცხვეთ 160 გრადუსზე 45-50 წუთი, შემდეგ გათიშეთ ღუმელი, გამოაღეთ კარი და დატოვეთ 15 წუთი.
- მოვამზადოთ მინანქარი: შავი შოკოლადი და კარაქი გაალღვეთ წყლის აბაზანაზე.
- ოდნავ თბილი მინანქარი მოასხით გაგრილებულ დესერტს.
- მოათავსეთ მაცივარში 3-4 საათი.
გემრიელად მიირთვით!
