ზარმაცი ბლინების რეცეპტი ძალიან გამოსადეგი რამაა…
როცა ბავშვები გახარება გინდათ, მაგრამ დრო არ გაქვთ, სწრაფი ბლინები საუკეთესი ვარიანტია!
ინგრედიენტები ცომისთვის
- 500მლ რძე
- 250გ ფქვილი
- 50გ კარაქი
- 3 კვერცხი
- 2-3 სუფრის კოვზი შაქარი
- მწიკვი მარილი
- 1 ჩაის კოვზი გამაფხვიერებელი
ინგრედიენტები შიგთავსისთვის
- 200გ ხაჭო (საშუალო ცხიმიანი)
- 1-2 სუფრის კოვზი შაქარი
- ხილის ჯემი ან გაყინული კენკრა
მომზადება
1.ჩართეთ ღუმელი. გაახურეთ 200-250 გრადუსზე.
2.ათქვიფეთ კვერცხი, შაქარი, მარილი, რძე და კარგად მოურიეთ. მოაყარეთ ფქვილი, გამაფხვიერებელი და კარგად მოურიეთ.
3.დაუმატეთ გამღვალი კარაქი, ისევ მოურიეთ, ცომი ჩაასხით ფორმაში. გამოაცხვეთ 15-20 წუთი. მზა ბლინს წაუსვით კარაქი და გააგრილეთ.
4.შიგთავსისთვის ხაჭოს დაუმატეთ შაქარი. თუ მასა გამოვიდა მშრალი, დაუმატეთ არაჟანი ან იოგურტი. ბლინებს წაუსვით მიღებული მასა, დაუმატეთ კენკრა. მოაყარეთ შაქრის ფხვნილი.
გემრიელად მიირთვით!
