გაყინული “მთვრალი ყურძენი” უჩვეულო დელიკატესია უფროსებისთვის, რომელიც ზაფხულის ცხელ დღეებში გამაცოცხლებელი გემოთი აღგაფრთოვანებთ. ცივი, თეთრ ღვინოში ჩამლბარი ყურძენი გახდება ყველაზე პოპულარული დესერტი ნებისმიერ სადღესასწაულო სუფრაზე.
ინგრედიენტები
- 2,5 ჭიქა ყვითელი ყურძენი
- 2 ჭიქა თეთრი ღვინო
- 1/2 ჭიქა შაქარი
მომზადების წესი
- სუფთა ქილაში ჩაასხით თეთრი ღვინო, დაუმატეთ 1/4 ჭიქა შაქარი და მოურიეთ. გარეცხეთ ყურძენი, გააშრეთ და დაუმატეთ ღვინოს.
- დაახურეთ ქილას თავსახური და შეინახეთ მაცივარში 12 საათით, რომ ყურძენმა კარგად შეიწოვოს ღვინო. დროის გასვლის შემდეგ ამოალაგეთ ყურძენი ღვინიდან, მაგრამ ღვინოს ნუ გადაღვრით, რადგან იგი მზა დესერტთან ერთად ძალიან გემრიელია.
- ყურძენი ცოტათი გააშრეთ. დარჩენილი შაქარი დაყარეთ თეფშზე და მასში ამოავლეთ ყურძენი. შემდეგ დაალაგეთ ყურძენი თეფშზე, შეფუთეთ პერგამენტში და შეინახეთ საყინულეში 3-4 საათით.
ზაფხულის უგემრიელესი დესერტი “მთვრალი ყურძენი” მზადაა!
გემრიელად მიირთვით!
