ჟოლოს ტორტი უნაზესი კრემით და რბილი დანამული ფენებით

0
158

პირადად მე ზაფხული იმიტომ მიყვარს, რომ ყოველთვე შეგიძლია დატკბე ახალი კენკრით თუ ხილით. ბავშვობაში მოუთმენლად ველოდი მარწყვის, ბალისა და ჟოლოს სეზონს. როგორ მიყვარდა დედის მოხმარება, როცა ის ჟოლოს მურაბას ამზადებდა!

სამწუხაროდ, ჩემს შვილებს კენკრა ასე არ უყვართ და მიწევს მათი დამატებით კერძების ახალი ვარიანტების ძიება. დღეს ჩვენ შესანიშნავი ჟოლოს ტორტის რეცეპტს გთავაზობთ, რომელიც ნებისმიერი სადღესასწაულო სუფრის მშვენება გახდება.

ინგრედიენტები

  • 450 გრ ფქვილი
  • 360 გრ კარაქი
  • 550 გრ შაქარი
  • 3 კვერცხი
  • 450 გრ კრემ-ყველი
  • 4 კვერცხის გული
  • 180 გრ ჟოლოს მურაბა
  • 300 გრ ჟოლო
  • 250 გრ იოგურტი
  • 50 გრ სიმინდის სახამებელი
  • 1 ს.კ. ძმარი
  • 1 ს.კ. კაკაოს ფხვნილი
  • 0,5 ჩ.კ. სოდა
  • 75 მლ წყალი
  • 0,5 ჩ.კ. მარილი
  • 1 ჩ.კ. გამაფხვიერებელი
  • საღებავი გემოვნებით

მომზადება

1. ათქვიფეთ ნახევარი კარაქი და 350 გრ შაქარი. დაუმატეთ სათითაოდ კვერცხები, ძმარი და წითელი საღებავი. დაუმატეთ გაცრილი ფქვილი, მარილი, სოდა, გამაფხვიერებელი და იოგურტი. კარგად მოურიეთ.

2. გაყავით ცომი ორად და გამოაცხვეთ ცალ-ცალკე 180 გრადუსამდე გახურებულ ღუმელში 35-40 წთ. მზა ფენები გააცივეთ, გაჭერით ორად, ნაფხვენები შეინახეთ მოსართავად.

3. გახეხეთ ჟოლო, დაუმატეთ 100 გრ შაქარი, დადგით ნელ ცეცხლზე, წამოადუღეთ. 100 გრ შაქარი ათქვიფეთ კვერცხის გულებთან და სახამებელთან, დაუმატეთ ჟოლოს მასას. ურიეთ მუდმივად, სანამ არ შესქელდება, შემდეგ გააცივეთ.

4. კრემ-ყველი შეურიეთ კენკრის პიურეს და დარჩენილ კარაქს. ათქვიფეთ მიქსერით ერთგვარი მასის მიღებამდე.

5. ჟოლოს ჯემი გახეხეთ და დაუმატეთ წყალი. დანამეთ ფენები, შემდეგ წაუსვით კრემი. მორთეთ ნაფხვენით.

6. მზა ტორტი შედგით მაცივარში 5-6 საათით. დაჭრამდე დადგით ოთახის ტემპერატურის პირობებში 10 წუთით.

ჟოლოს ტორტი სადღესასწაულოდ ან მეგობრების შეკრების დროს იდეალურია. მის მოსამზადებლად გაყინული კენკრის გამოყენებაც შეიძლება. მოამზადეთ სიამოვნებით და გაუზიარეთ რეცეპტი მეგობრებს!

პასუხის გაცემა

გთხოვთ დაწერეთ კომენტარი!
გთხოვთ ჩაწეროთ თქვენი სახელი